Rónarnir og fjölskyldan í Álfheimunum.

 

.

Einu sinni var fjölskylda í Álfheimunum.  Svo virtist sem allt léki í lyndi hjá foreldrunum og börnunum þeirra átta.  Faðirinn vann úti en móðirin var heimavinnandi húsmóðir.  Dag einn, er þau sitja að kvöldverðarborði, er bankað.  Fyrir utan standa nokkrir rónar.   Móðirin á heimilinu þekkti þá frá fornu fari.  Þarna stóðu gamlir skólafélagar hennar.  Móðirin, sem þekkt var fyrir að vera vinur vina sinna, gerði sér lítið fyrir og rétti þeim allt sparifé fjölskyldunnar.  Nú skyldu þeir fá að skemmta sér. 

Rónarnir urðu að vonum mikið glaðir og héldu á næsta bar.  Þar drukku þeir og drukku uns peningarnir voru uppurnir.  Þá hringdu þeir í vini sína í Álfheimum og sögðu farir sínar ekki sléttar.  Móðirin sá enn aumur á þeim og veðsetti húsið fyrir láni handa þeim.  Þeir héldu þá áfram gleðskap sínum.  Mikið fjör og mikið gaman !  Enn komu rónarnir, nokkru síðar.  Föðurnum fannst að hann yrði að standa með konu sinni og afhenti rónunum lykla að húsinu og bauð þeim að láta eins og heima hjá sér.  Einnig tæmdu þau framtíðarreikninga barna sinna....... því rónarnir voru jú svo almennilegir að bjóða hjónunum í ærlega drykkjuveislu með sér. 

Nú tók við svall næstu misserin.  Heyrðust þá raddir sem vildu að börnin yrðu tekin frá þessum foreldrum í Álfheimunum.  M.a. vegna þess að fregnast hafði að yngsta barninu væri gefinn sopi af og til, til að þagga niður í því þegar það var óánægt.  Heimilið var líka í rúst !

.

 

.

Mamman og pabbinn kunnu ráð.  Þau vildu halda foreldrahlutverki sínu - því barnabæturnar voru svo háar - og Þau ákváðu að skipta bara um hlutverk;  mamman myndi framvegis vinna úti og pabbinn vera heimavinnandi.  Þar með var engin ástæða til að taka börnin frá þeim lengur.  

Eða hvað ? 

----------

Geir og Ingibjörg Sólrún, ásamt öðrum ráðherrum eru að gera það sama.   Þau skipta um hlutverk.   Eins og það breyti einhverju ?  Kjósendur eru náttúrulega voða glaðir og kátir.  NOT.

. 

Helvítis fokking fokk - eða þannig.    (ljótt að blóta)

 

Frétt úr Skessuhorni.

 

Uppsagnir í Borgarnesi eru reiðarslag fyrir samfélagið

28. nóvember 2008

Athafnasvæði Loftorku í Borgarnesi. Ljósm. TÞ

Fjöldauppsögn starfsmanna varð í Loftorku Borgarnesi ehf. í dag þegar 66 af 120 starfsmönnum fyrirtækisins var tilkynnt um uppsögn starfa miðað við næstu mánaðamót. Auk þess var 4 af 37 starfsmönnum Borgarverks ehf. sagt upp störfum nú síðdegis.

Í Loftorku jafngildir þetta því að starfmönnum fækkar um 55% þegar uppsagnirnar taka gildi. Flestir þeirra sem fengu uppsagnarbréf nú hafa þriggja til sex mánaða uppsagnarfrest, en sá tími ræðst af starfs- og lífaldri viðkomandi og sýnir að margir þeirra hafa starfað lengi hjá fyrirtækinu. “Verkefni fyrirtækisins hafa dregist mikið saman á þessu ári og sérstaklega á síðustu vikum og er þetta því miður óhjákvæmileg aðgerð af okkar hálfu. Við munum áfram leitast eftir verkefnum til að hafa störf fyrir þann reynda og góða hóp starfsmanna sem áfram verður hjá okkur í fyrirtækinu. Vonandi getum við dregið eitthvað af þessum uppsögnum til baka ef við fáum verkefni á næstu vikum og mánuðum,” sagði Óli Jón Gunnarsson framkvæmdastjóri Loftorku í samtali við Skessuhorn. Aðspurður segir hann að þeir sem sagt hafi verið upp störfum komi úr öllum deildum fyrirtækisins.

 

Þreföldun á atvinnuleysi

“Við áttum fund með framkvæmdastjórum Loftorku og Borgarverks fyrr í vikunni og gerðum okkur grein fyrir að ástandið væri alvarlegt í þessum fyrirtækjum. Engu að síður er það reiðarslag fyrir samfélagið þegar hópuppsögn af þessari stærðargráðu eins og í Loftorku á sér stað. Lauslega reiknað þýðir þetta að atvinnuleysi í Borgarbyggð fer í einu vetfangi úr 2% í 6% eða um þreföldun í tölu þeirra sem verða án vinnu ef uppsagnirnar ganga eftir,” segir Páll S Brynjarsson sveitarstjóri í samtali við Skessuhorn. Hann segir að fyrir hafi legið að byggingariðnaðurinn væri í þrengingum og vikulega að undanförnu hefði uppsagnir verksamninga átt sér stað. Hann kvaðst engu að síður vonast til að verkefnastaða Loftorku myndi styrkjast áður en uppsagnir þessa fjölda starfsmanna myndu taka gildi.

“Þetta er auðvitað mikið áfall fyrir þessa einstaklinga og fjölskyldur þeirra sem missa fyrirvinnu sína. Hugur okkar er hjá því fólki en við verðum að vona að úr rætist sem fyrst í efnahagsþrengingum þjóðarinnar,” segir Páll S Brynjarsson.

.............................................

Það verður sífellt erfiðara að vera glaður þessa dagana.  Samfélagið er einhvern veginn að hrynja og margir sem eiga í erfiðleikum.  Ég ætla að leyfa mér að vera dauf í smástund. 

Áslaug mín.... ég hugsa til þín, vitandi ekkert í hvorum hópnum þú lentir.

 

Geir og Grani.

Nú er ég orðin örlítið pirruð á þeim karlskunkum Geir stýrimanni og Grana (lesist Davíð) skipstjóra.

 

Þeim hefur verið treyst fyrir þjóðarskútunni í langan tíma og það fór nú ekki betur en svo að þeir sigldu henni á fylleríi á Hollensk/Breskan dall og koleyðilögðu bæði skútuna og dallinn.

Skipstjórinn situr ennþá í matsalnum og úðar í sig kleinum, ropar og horfir á sólsetrið.  Á sama tíma kennir stýrimaðurinn flugumferðarstjórn um allt saman.

Þetta var altså alls ekki þeim að kenna.  Bara einhverjum öðrum.

Þeir sjá því enga ástæðu til að taka einhverja ábyrgð.  Iss, þetta var þó ekki nema ein þjóðarskúta og eitt orðspor.  Who gives a shit ? 

Því sitja Geir og Grani sem fastast í björgunarbátnum og ætla, af sinni alkunnu snilld, að stjórna honum en samt hafa þeir ekki haft nokkurt vit á,  að taka með sér árar eða ákveða í hvaða átt þeir ætla !

...........

 

.

Mig langar svo svakalega að vita;

Hvað gæti hugsanlega verið nógu slæmt til að Davíð segði af sér ? 

Allavega ekki eitt stykki þjóðargjaldþrot og annað stykki ónýtt orðspor Íslendinga.

.

Æjæjæjææææ. 

Ísland stendur frammi fyrir gjaldþroti

Burt með spillingarliðið !

 

Fyrir ekki svo mörgum árum var Ísland land friðarins.  Maður sá fyrir sér að við gætum um alla framtíð verið sáttasemjarar heimsins og allra þjóða vinir.  Við Íslendingar erum í eðli okkar friðsöm þjóð. 

En hvað hefur svo gerst ?   Davíð og Halldór gerðu okkur að stríðsaðilum í Írak !    Davíð skaut síðan seðlabankastjórastólnum undir sig og á ögurstundu kom hann af stað milliríkjadeilu við Breta.  Og nú ætlar Björn að bæta um betur og segja Íslendingum stríði á hendur. 

Brynvarðir bílar, rafbyssur og táragas er það sem hann vill leika sér með.

Það er langur í mér þráðurinn en nú fyrst er farið að fjúka í mig. 

Ég get alveg sætt mig við að vera blönk en ég get EKKI sætt mig við að búa við ofbeldi yfirvalda.  Ef Björn og hans undirmenn beita almenning ofbeldi fyrir það eitt að hafa skoðanir, þá mun ég ekki unna mér hvíldar fyrr en ég er búin að gefa honum ærlegt spark í rassinn. 

Og þetta er ekki líkingarmál..... heldur meint nákvæmlega eins og það er skrifað.

.

Af DV í dag; 

"Björn Bjarnason dómsmálaráðherra undirbýr nú sérsveit Ríkislögreglustjóra og lögregluembætti landsins undir óeirðir. Björn hefur þegar breytt reglugerð sem heimilar ráðningu á allt að 250 lögreglumönnum. Þá er búið að breyta sex bifreiðum sem nota á í óeirðastjórnun og eru sumar þeirra hlaðnar aukabúnaði upp á margar milljónir króna. Til viðbótar er verið að breyta strætisvagni sem á að nota við fjöldamótmæli eða óeirðir en hann mun gegna hlutverki fjarskiptamiðstöðvar. Mikil leynd hvílir yfir breytingunum en einn þeirra sem vann við breytingarnar segir þær trúnaðarmál.

Reiði almennings gagnvart ríkistjórninni og bankamönnum er slík að nú þykir mikilvægt að undirbúa lögreglu fyrir óeirðir og fjöldamótmæli. Hingað til hefur ekki verið talin ástæða til að vígbúast en nú er öldin önnur. Samkvæmt áreiðanlegum heimildum DV vinna menn nú dag og nótt við að breyta bifreiðum sem nota á við óeirðastjórnun en þeirri vinnu hefur nú verið flýtt til muna vegna ástandsins á Íslandi".

Ef ég væri forsætisráðherra í einn dag....

 

Þeir sem mig lesa, hafa um langan tíma vitað að ég er anti-sjálfstæðiskona.

Mér finnst Sjálfstæðisflokkurinn vera flokkur eiginhagsmuna, græðgi og valdsýki.

Sjálfstæðisflokkurinn má þó eiga það að kosningamaskína flokksins virkar afar vel.

Þeir tyggja á því rétt fyrir kosningar að;

"merkir þú ekki við Dé-ið, fer allt til andskotans" ! og að "Vinstri menn setji allt á hausinn"

Nú fer vel á því að draga upp gamlan málshátt;

Margur heldur mig sig.

Þeir fáu sem enn styðja Sjálfstæðisflokkinn, eru að mínu mati fólk sem hefur fengið væna bitlinga frá flokknum..... góð störf eða annað slíkt.  Fólk sem hefur eiginhagsmuna að gæta. 

Vitið þið annars að flokkurinn gefur unglingum bjór fyrir kosningar.... þótt þau séu bara 17 ára !

Það hefur öllum brögðum verið beitt. 

EN...... það verður fróðlegt að sjá kosningabaráttu þeirra fyrir næstu kosningar.

Menn sem hafa státað sig feitt af góðærinu.... að það sé tilkomið vegna þeirra stefnu....þeir hljóta líka að eiga "vondærið".   Flokkurinn undirbjó jarðveginn og plantaði í eftirlitsstörfin og þetta er uppskeran.  Verra en kartöfluuppskeran mín ! 

Ég trúi því að "Fátt sé svo með öllu illt að ei boði gott" og að næsta ríkisstjórn verði mynduð af Samfylkingu og Vinstri grænum. 

Jafnaðarstefna þeirra er mun mannúðlegri, að ég tali nú ekki um grasvænni. 

.

Ef ég væri forsætisráðherra í einn dag myndi ég afnema eftirlaunafrumvarpið fyrir hádegi og segja síðan Davíð upp eftir hádegi.   Og fyrst hann vill ekki standa upp úr stólnum þá má hann eiga stólinn og taka hann með sér. 

 

 

 

Samfylking afneitar Davíð

Gefið okkur afnám verðtryggingar í jólagjöf.

 

Góðir Íslendingar !

Oft höfum við, alþýðan í þessu landi, leyst öll möguleg vandamál við eldhúsborðið heima.

Ég hef hlustað á hagfræðinga sem segja að vextir verði áfram að vera háir svo við eyðum ekki öllum gjaldeyri jafnóðum og við fáum erlent lán.  Ég er ósammála.

Við eldhúsborðið heima hjá mér var ákveðið að verðtryggingu þarf að afnema strax.

Vextir þurfa að vera lágir.  Aðeins þannig komum við í veg fyrir fjöldagjaldþrot sem er engum til hagsbóta. 

Þeir sem voru svo heppnir að eiga sitt sparifé á bók, ættu ásamt öðrum að geta tekið þátt í björgunaraðgerðum með því að fá minni vexti á sína inneign.

Varðandi gjaldeyrinn, þá er lausnin sú að Davíð Oddsson má núna fara á sinn eðal-lífeyri.  Í stað þeirra Seðlabankastjóra sem við höfum, þurfum við að ráða menn eins og Jón Sigurðsson og Þorvald Gylfason og konu eða tvær eins og mig.     Eitt af þeirra hlutverkum á að vera að skammta gjaldeyri áfram.  Hafa smá vit fyrir okkur á meðan við erum að brotlenda.

Við þolum alveg að geta ekki keypt allt mögulegt og ómögulegt í einhvern tíma en þjóðin myndi ekki höndla að verða húsnæðislaus ef allir færu beint á hausinn.  Þangað stefnum við að óbreyttu í þeirri óðaverðbólgu sem spáð er. 

Því biðla ég til stjórnvalda;  Afnemið verðtrygginguna strax og lækkið vexti.  Tryggið að fólkið í landinu fari ekki allt á götuna því það græðir ENGINN á því.

.

 

.

Ef þið farið ekki eftir mínum ráðum og við missum öll húsnæðið, þá standið þið frammi fyrir ennþá erfiðara verkefni;

Þá þurfið þið að laga veðrið á Íslandi.   

 

Með ljúfum sunnudagskveðjum,

Anna plat-sparisjóðsstjóri. 

 

 

Davíð er búinn að kaupa ölið.

 

Nú er orðið ljóst að Davíð keypti ölið. 

.

 

.

Ég bara verð að linka á bekkjarsystur mína, Kristjönu til að þið skiljið hvað gerðist síðan.

.

 

.

En hvað varð um Hannes Hólmstein ?   

Er hann sestur í helgan stein ?

 

 

Tapa á daginn og elda inni á kvöldin.

 

Stundum rekst ég á fólk sem hugsar í peningaseðlum.  Þá meina ég að viðkomandi hegða sér og tala þannig, að peningar séu það sem málið snýst um.  Lífshamingjan í öllu sínu veldi. 

.

 

.

Nú verð ég að viðurkenna að ég vorkenni þessu fólki smávegis.  Hvaða líkur eru á að svona þenkjandi persónur finni almennilega hamingju ?   Afar litlar... og nú þegar krónan er að verða verðlaus, fer vonin um hamingju peningamanna enn þverrandi.

Talandi um peningahyggju, dettur mér í hug að Sjálfstæðismenn hljóti að vera hálf niðurlútir þessa dagana.  Þeir vilja jú helst græða á daginn og grilla á kvöldin..... en í þessari niðursveiflu efnahagskerfisins í bland við rok og rigningu,  eru þeir væntanlega að tapa á daginn og elda inni á kvöldin.   Eymd er þetta.     Ég er líka ekki frá því að Sjálfstæðismönnum fari fækkandi þessa dagana.  Það er lítið töff að viðurkenna að efnahagur landsins sé kominn til helvítis, (ljótt að blóta)  m.a. vegna þeirra eigin óstjórnar.

Hvað boð skyldu nú koma frá Valhöll fyrir næstu kosningar ?  Kannski þeir segi .........

  "bannað að kjósa vinstri menn því þá fer fjárhagur landans til fjandans."  

.

Nei, þá spring ég úr hlátri. 

Neydd til kynferðismaka, brotin rifbein og sprengd hljóðhimna....

 

...... og það dugir ekki til að fá nálgunarbanni framlengt.

Þá spyr ég;  HVAÐ ÞARF TIL ???? 

Hugsanlega er hægt að fá nálgunarbann ef fyrrverandi sambýlismaður höfuðkúpubrýtur konuna, sagar af henni fót eða plokkar úr henni auga.

Kannski ekki.

Það er allavega of seint þegar hann hefur drepið hana.

.

 

.

Kröfu um áframhaldandi nálgunarbann hafnað

Mútur ?

 

Ef fram heldur sem horfir, verður Ísland orðið forljótt og mengað eftir örfá ár.

Eins og málin horfa við mér, geta erlend stórfyrirtæki arkað inn í landið og boðið einhverjum sveitarstjórnarmönnum í kaffi...... og líklega eitthvað gott með því......hugsanlega peninga..... og þá fá þeir leyfi til að reisa hér olíuhreinsistöð eða álver eða skíthreinsistöð af einhverju tagi.

Þetta er landið okkar allra.  Ísland ! 

Sú stjórnvaldsákvörðun að færa þetta vald frá Alþingi til sveitastjórna er álíka gáfuleg og að ég sem móðir leyfi börnunum mínum að ákveða hvort þau úði tjöru í garðinn minn.

Hvað er að stjórnmálamönnum sem færa svo mikið vald til sveitarstjórna ?

Sjálfstæðisdrasl.   

.

 

.

Olíuhreinsistöð: Umhverfismat er næsta skref