Vont þegar það góða er lagt niður.

19.8.2007 | 18:09

Vont þegar það góða er lagt niður.

Ég er alin upp við harmonikkutónlist. Pabbi var sko hljómsveitargæi.

harmonikka

Í grunnskólanum heima var enginn íþróttasalur þegar ég var yngri. Því var okkur krökkunum kennt að dansa gömlu dansana. Það var hægt í venjulegri skólastofu.

Mér finnst fátt skemmtilegra en að dansa, við góðan dansherra, almennilegan hraðan polka. Snúast í hringi þar til allt hringsnýst fyrir augunum á mér. Þá er gaman.

Ég hef af því áhyggjur að harmonikkutónlist og góðir dansherrar séu að verða liðin tíð.

Síðast komst ég í gömlu dansana á þorrablóti fyrir 3 árum. Alltof langt síðan !

Mér finnst hundfúlt þegar eitthvað sem er gott og skemmtilegt, hættir.

Nú vil ég almennilegt harmonikkuball og góða dansherra, borða kjötbúðing með grænmeti í og drekka Sinalco og borða bláan Opal á eftir. Þetta á að gerast á fimmtudegi sem verður sjónvarpslaus.

Það er í lagi að láta sig dreyma.

Flokkur: Spil og leikir | Facebook

Athugasemdir

veit ekki með harmonikkuna en ég sakna allavega sjónvarpslausu fimmtudagana þegar fjöldskyldan spilaði heldur saman og hlustaði á útvarpsleikritið í gufunni..

Björg F (IP-tala skráð) 19.8.2007 kl. 18:14

Já, alltaf gott að láta sig dreyma. Kannski koma harmonikkur í tísku aftur einhverntímann, hver veit?

Bjarndís Helena Mitchell, 19.8.2007 kl. 18:16

Harmonikkur... oj

Gunnar Helgi Eysteinsson, 19.8.2007 kl. 19:16

EKKI GLEYMA HÁKARLINUM ÞORABLÓTUM FRAMTÍÐARINNAR VERÐA PIZZASNEIÐAR OG KÓKAKÓLA Í STAÐINN FYRIR BRENNI VÍN OG HÁKARL

Brynjar Jóhannsson, 19.8.2007 kl. 20:56

Góður punktur hjá Brynjari

Anna, ég myndi fljúga norður til að komast á gott harmonikkuball - I simply love it - fjölskyldan mín er dansflippað fólk og ég var látin læra þessa dansa standandi ofan á tánum á pabba (í skóm..hehe )

Marta B Helgadóttir, 19.8.2007 kl. 21:04

Þú hnippir þá í mig Marta, þegar þú fréttir af harmonikkudansleik.

Mér finnst bara hákarl og brennivín svo vont að ég myndi ekki sakna þess.

Anna Einarsdóttir, 19.8.2007 kl. 21:08

ÉG held að það sé ennþá hægt að dansa gömlu dansana í Glæsibæ um helgar. Mér finnst harmonikkur æðislegar og minnist pabba þíns með tárin í augunum spila undir á jólaböllum og dansiböllum, hann var einstakur músikant. Sjónvarpslaus fimmutdagskvöld voru æðisleg og til að endurlífga þau held ég að dugi ekkert annað en alsherjar rafmagnsleysi. Rafmagnslaus fimmtudagskvöld.....allir sammála

Gíslína Erlendsdóttir, 19.8.2007 kl. 21:31

Já, sitja á fimmtudagskvöldum við kertaljós og segja phorn.... ehhhh... draugasögur eða spila og borða konfekt.

Anna Einarsdóttir, 19.8.2007 kl. 21:46

Engin blöð á mánudögum fyrr en eftir hádegi, vínlausir miðvikudagar, sjónvarpslausir fimmtudagar.....kommon, þið hljótið að vera að grínast Nikkan er fín, bara ef maður er ekki beðinn um að dansa með. Gaman að horfa á aðra dansa, en....ekki hann ég. annar eins drumbur hefur ekki sést á dansgólfi og gerðist 1900 og eitthvað í Skjólbrekku í Mývatnssveit og sá sem spilaði á nikkuna tók mig afsíðis og bað mig að sitja það sem eftir lifði dansleiks. Hef setið síðan á flestum böllum, enda eins gott ef ekki á illa fara.

Halldór Egill Guðnason, 19.8.2007 kl. 23:02

Hvenær höfum við grínast ?

Þú hlýtur að vera afleitur dansari, fyrst þú ert beðinn um að sitja. Kallgreyið.

Anna Einarsdóttir, 19.8.2007 kl. 23:39

Verður eitthvað dansað á skákmótinu? Pant vera í eldhúsinu eða ræstingum á meðan.

Halldór Egill Guðnason, 20.8.2007 kl. 18:14

Díll ! Þú ert ráðinn í ræstingarnar. Fín nýja myndin þín.

Anna Einarsdóttir, 20.8.2007 kl. 18:42

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.