Strandaglópur.

14.7.2009 | 21:25

Í sumarfríinu mínu glópaðist ég m.a. á Strandir og kallast því Strandaglópur. Það var þó mikið glópalán að dandalast þangað því meðan aðrir íslendingar sátu í biðröðum í bílum sínum á þjóðvegi númer eitt, vorum við skötuhjúin ásamt bróður mínum og fjölskyldu, alein á tjaldstæði í Trékyllisvík. Og til að toppa það vorum við síðan alein í sundlauginni í Krossnesi þar sem sjórinn er í aðeins 50 metra fjarlægð. Dásamlegt útsýni. Þvílík stemming að vera svona alein ! Happy

Margt býr í þokunni.

Kríuungi að fela sig.

Norðurfjörður fyrir Gerðu.

Alger andleg hvíld og að sjálfsögðu án frétta og síma og tölvu. Wink

Í Djúpuvík fundum við þessa skútu en sýnt þykir að einhver útrásarvíkingur fyrri tíma hafi ekki náð að flýja land. Eða það held ég. Og það heldur hundurinn líka, held ég.

Að endingu kemur lauflétt gáta. Úr hverju eru stafirnir á næstu mynd ?

Flokkur: Ferðalög | Facebook

Athugasemdir

maccaronum?

Hrönn Sigurðardóttir, 14.7.2009 kl. 21:46

Flottar myndir ;)

Hrönn Sigurðardóttir, 14.7.2009 kl. 21:46

flottar myndir. Ég álikta svo að stafirnir séu úr spaghetti

Aprílrós, 14.7.2009 kl. 22:42

Ég er einmitt að fara eitthvað á strandirnar um helgina og eftir helgi, ætla einmitt að fara þarna í Djúpuvík.

Aprílrós, 14.7.2009 kl. 22:44

Borgaðir þú í baukinn fyrir zundlaugarferðina í fjöruborðinu ?

'Stafasúpa' Maggíz...

Steingrímur Helgason, 14.7.2009 kl. 23:03

Yndislegur staður. Ég var þarna í lok júní. Fórstu til systursonar míns á Kaffi Norðurfirði?

Lára Hanna Einarsdóttir, 14.7.2009 kl. 23:06

Gaman að sjá ykkur aftur !

Steingrímur vann. (næstum því Sigtryggur vann eins og í glímunni í gamla daga). Þetta er stafasúpa frá Maggí.

Lára Hanna. Jú jú, við fórum að sjálfsögðu á Kaffi Norðurfjörður og fengum okkur að borða. Mjög huggulegur staður og góður matur. Hitti þó ekki systurson þinn. Einungis tvær ljúfar stúlkur sem bjuggu á nærliggjandi bæ.

Anna Einarsdóttir, 14.7.2009 kl. 23:19

Það er óendanlega gott að geta ferðast svona. Það eru násnast engin takmörk fyrir því hvað manni/konu getur liðið vel á svona ferðalagi. Þetta með símann og tölvuna....OK. .... sitt sýnist hverjum, en ætlarðu virkilega að taka við tilskipunum frá ESB í framtíðinni um það hvert þú ÁTT að fara i fríinu? Hefur annars enginn lesið framtíðaráætlun bandalagsins í þeim efnum sem nú vill hve ólmastur ganga í þetta óbermi?

Halldór Egill Guðnason, 15.7.2009 kl. 05:14

Ekkert krepputal á þessarri síðu. Velkomin heim úr góðu frí, ég á alveg eftir að taka Strandirnar.

Ingibjörg Friðriksdóttir, 15.7.2009 kl. 13:15

Sammála Ingibjörg.... ekkert krepputal á þessari síðu, bara grásleppuhjal .

Anna Einarsdóttir, 15.7.2009 kl. 16:08

Það var einu sinni grásleppukarl....

Hrönn Sigurðardóttir, 16.7.2009 kl. 07:18

Ma ma ma ma gefðu mér grásleppu .....

Anna Einarsdóttir, 16.7.2009 kl. 08:04

Já, það er mikið glópalán að synda á ströndum.

kop, 16.7.2009 kl. 11:36

Að eiga sælgætisbúð væri mér miður holt, en grásleppan er góð.

Ingibjörg Friðriksdóttir, 16.7.2009 kl. 16:55

Það er svo fallegt á Ströndum.Mörg ár síðan ég kom þangað.

Birna Dis Vilbertsdóttir (IP-tala skráð) 17.7.2009 kl. 11:38

Strandir eru á áætlun hér ásamt Blönduósi, Hænuvík og Tálknafirði,Sellátranesi og ýmsu öðru..svo er bara að sjá hvert grásleppan leyfir manni að fara.

Ragnheiður , 18.7.2009 kl. 01:02

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.