Bloggfærslur mánaðarins, nóvember 2009
28.11.2009 | 11:07
Aðventubörnin komin í hús.
Í gærkvöldi fæddi Katla Gustavsberg 5 stykki af kettlingum. Ljósmæðurnar voru dóttir mín, bróðurdóttir og systurdóttir, allar langt undir lögaldri en stóðu sig afar vel. Yfirljósmóðir var svo ég sjálf en ég þurfti í þrígang að taka belginn af höfði nýfædds kettlings og ég stóð mig alveg ótrúlega vel. Lýsingarorðið "ótrúlega" dugir eiginlega ekki fyrir frammistöðu mína sem var hreint himnesk svo vægt sé til orða tekið.
Kettlingarnir sem fæddust í byrjun aðventu, verða tilbúnir til afhendingar í lok aðventu.
Einn er þegar farinn..... sá þríliti í miðið. Hér gildir meðalhófsreglan að fyrstur kemur, fyrstur fær.
Ég mæli með að áhugasamir taki tvo, frekar en einn því þessi dýr eru svo miklir félagar.
Hér er mynd af nýju börnunum.
.
.
Og hér eru stóru systkinin að horfa á sjónvarpið. Alexandra lítur undan á myndinni en það er vegna þess að Birgir nokkur Ármannsson er í sjónvarpinu. Hún horfir aldrei á neitt sem bannað er börnum.
.
.
.
Það sést langar leiðir að ræktunin er til fyrirmyndar.
.
26.11.2009 | 09:17
Afleiðingar hrunsins meiri en áður var talið.
Í dag er heilt ár síðan einhver skrifaði í gestabókina á þessu bloggi.
Þann 28. nóvember 2008, ritaði Halldór tuðari nokkur vel valin orð í bókina.
Og merkilegt nokk, þá hefur enginn annar en Halldór ritað í bókina eftir hrun og Halldór var þá staddur 45.000.000 fet frá Íslandi.
Mér finnast þetta merkileg tíðindi;
Afleiðingar hrunsins eru semsagt þær, að fólk staðsett á Íslandi skrifar ekki í gestabækur.
.
.
Þetta var uppgötvun dagsins.
25.11.2009 | 09:11
Ég er búin að fá vinnu.
Þið bloggvinir mínir og lesendur, sem ekki eruð fésbókarvinir, vitið kannski ekki að ég er búin að fá vinnu. Eða jú, nú vitið þið það.
Ég var ekki fyrr búin að hrista af mér Vinnumálastofnun, sem að mínu áliti drepur niður allt sem heitir sjálfstæði og frumkvæði einstaklingsins, þegar mér bauðst vinna og hóf ég störf á föstudaginn var.
.
.
Meðfylgjandi mynd er nú kannski ekki alveg af mér í nýju vinnunni en mér finnst myndin einfaldlega of góð til að láta hana liggja ónotaða á netinu.
Vinnan göfgar manninn og mig líka.
Annars vann ég í nokkur ár með manni, sem sagðist bara sjá eftir einu í lífinu; að hafa byrjað að vinna. Þetta sagði hann reglulega við mig í vinnunni. Og glotti jafnan.
.
Mannréttindi | Breytt s.d. kl. 12:30 | Slóð | Facebook | Athugasemdir (7)
22.11.2009 | 12:17
Saga um 10 ára dreng.
Það er rigning úti en hægviðri. Gilli litli ákveður að fara með vinum sínum á bryggjuna og reyna að veiða í soðið fyrir foreldra sína. Hann nær í veiðistöngina sína og blink og skellir sér í bombólurnar. Saman rölta félagarnir síðan í rólegheitum niður á bryggju og spjalla á leiðinni um ævintýralega gönguferð þeirra upp á Arnfinn, árið áður.
.
.
Skarfurinn sveimar yfir höfðum drengjanna í leit að æti.
Gilli er fiskinn mjög og strax í öðru kasti bítur á hjá honum. Hann dregur inn fiskinn sem reynist vera vænn þorskur. Strax í kjölfarið bítur á hjá Bödda.
Dagurinn líður og drengirnir una sér hið besta við veiðarnar. Um kaffileytið segir Gilli við félaga sína: "Eigum við ekki að rölta heim og athuga hvort mamma eigi eitthvað að borða"? Þeir jánka því enda hungrið farið að sverfa að.
Saman bjástra þeir við að koma aflanum í poka og ganga svo heim á leið. Gilli og félagar storma inn í húsið, fara úr bombólunum og spyrja æstir hvort eitthvað sé til að borða ?
Móðir Gilla brosir og segist einmitt hafa verið að baka vöpplur. "Réttu mér Fayið drengur og þvoið ykkur um hendurnar áður en þið borðið", segir hún.
Strákarnir sitja með mjólkurglas og háma í sig vöpplur og dáðst í leiðinni að jólagarðínunum.
.
.
Jólin eru á næsta leyti og lífið getur ekki verið betra hjá litlum drengjum á Ólafsfirði.
Bloggar | Breytt s.d. kl. 12:27 | Slóð | Facebook | Athugasemdir (4)
21.11.2009 | 10:53
Fermingarkjóllinn
Fyrir u.þ.b. 30 árum fermdist ég.
Þá voru í tísku köflóttar dragtir, að mig minnir úr ullarefni. Sennilega hef ég verið í uppreisn þetta árið því útilokað var að fá mig til að klæðast tískufatnaði þess tíma. Móðir mín gekk með mig búð úr búð í Reykjavík í leit að einhverju öðru en köflóttri dragt. Svo virtist sem verslunareigendur væru allir með sama innflytjandann, þann sem flutti einvörðungu inn köflóttar dragtir.
Eftir margra klukkustunda leit okkar mæðgna, fundum við þennan kjól.
.
.
Sígildur kjóll ?
Fermingarskórnir entust hins vegar ekki lengi.
Hælarnir á skónum bráðnuðu á ofni undir kirkjubekknum, daginn sem ég fermdist.
.
Fermingarveislan var eftirminnileg fyrir hvað mér fannst hún leiðinleg. Gamalt frændfólk í tugatali sat og borðaði tertur allan daginn.
Í fermingargjöf man ég eftir að hafa fengið skatthol og skrifborðsstól, úr og hring, stóru blómabókina, sálmabók og 13 þúsund krónur sem dugðu einmitt fyrir því sem mig vantaði mest; ABC skólaritvél.
Þannig var fermingadagurinn minn, fyrir 30 árum.
Bloggar | Slóð | Facebook | Athugasemdir (3)
17.11.2009 | 11:03
Það má drepa kónginn.
Nú er tími jafnréttis og systralags.
Í tilefni af því skora ég á þá lesendur mína sem kunna að tefla, og ég veit að þeir eru þónokkrir, að taka eins og eina öðruvísi skák. Hugsa út fyrir rammann en þó má alls ekki fara útfyrir taflborðið.
Í þessari skák má drepa kónginn en iðrast ber að því loknu, því gjörningurinn er ekki fallegur.
Drottningin skal hins vegar mátuð.
Að öllu leyti er manngangurinn eins og í hefðbundnum skákum.
.
.
Með þessari óhefðbundnu tilraun, munuð þið komast að því að gert er frekar lítið úr kónginum á skákborðinu og hann er nánast farlama á meðan drottningin hleypur um víðan völl.
Hvar eru jafnréttissamtökin ?
14.11.2009 | 19:22
Ljós í Kolbeinsstaðahreppi.
Klukkan 17.34 vorum við að aka í gegnum Kolbeinsstaðahrepp á Snæfellsnesi, nánar tiltekið við Barnaborgarhraun.
Sjáum við þá stórt ljós upp við fjöllin. Héldum við fyrst að þetta væri flugvél í aðflugi. En þegar ljósið fellur til jarðar, áttum við okkur á að eitthvað er undarlegt á seyði. Við sjáum ljósið í ca. 7 sekúndur á hraðferð niður. Þegar ljósið er komið mjög nálægt jörðu, að okkur finnst, brennur það upp með eldglæringum.
Stundum hefur maður séð stjörnuhrap en þetta var ekkert líkt því.
Og okkur fannst ljósið vera mjög nálægt okkur, þarna í fjöllunum norðan við veginn.
Loftsteinn sprakk á austurhimni | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (8)
13.11.2009 | 13:47
Sérlega ósvífnir þjófar.
Einn lítill bloggvinur minn, Gulli litli, hefur lent illilega í óprúttnum þjófum að undanförnu.
Þeir hafa sýnt honum eina þá mestu óvirðingu sem hugsast getur.
Meira um það HÉR.
.
.
Fjármál | Slóð | Facebook | Athugasemdir (2)
10.11.2009 | 15:09
Það má láta sig dreyma.
Oft óska ég þess að mér hlotnaðist sú náðargáfa að geta komið frá mér ritmáli sem væri svo fagurt, vandað og sérstakt að lesendur tækju andköf við lesturinn.
Að mér tækist að raða orðunum saman á einhvern undursamlega fullkominn hátt.
Hæfileikar mínir hingað til, kalla í besta falli fram að lesendur hósti við lesturinn.
.
.
En ég hugsa samt stundum; "Leynist mögulega í mér örlítill rithöfundur" ?
Já, maður má nú alveg hugsa út fyrir rammann og láta sig dreyma um hið ólíklega.
Undanfarið hafa farið fram rökræður í kolli mínum:
Rithöfundur ?
Nei maður.
Hvernig gæti ég bullað út heila bók ?
Þú gætir haft stórt letur.
Hvað með barnabók ?
Ég veit ekki.
Um hvað ætti bókin svosem að fjalla ?
Bullárin á blogginu ?
Er ekki búið að skrifa um allt sem hægt er að skrifa um ?
Nei Anna, það er ekki búið.
Það vantar ekki að mig langi dálítið að prófa.
Af hverju dett ég ekki niður á hina fullkomnu hugmynd ?
Kannski gerist það einhvern daginn.
Kannski ekki.
Sjáum til.
.
Mér finnst eiginlega best í þessu öllu, að ég stend mig að heilu samræðunum við sjálfa mig í huganum. Og ekki bara um þetta mál, heldur ýmsar aðrar hugdettur sem ég fæ.
Bullandi innra spjall, megnið af deginum.
.
.
En maður talar þá ekki af sér á meðan.
Bækur | Breytt s.d. kl. 15:11 | Slóð | Facebook | Athugasemdir (3)
9.11.2009 | 11:27
Kreppuhappadrætti - allir sem taka þátt fá vinning.
Dóttir mín, sem lengi hafði suðað um kettling og ávallt fengið neitun, gaf mér kettlinginn í afmælisgjöf í marsmánuði 2008 með þeim fleygu orðum "Til hamingju með afmælið".
Fyrir áttum við einn hund og einn kött.
Ekki var kettlingurinn hættur að vera kettlingur (fannst mér) þegar hún dældi út úr sér fjórum nýjum kettlingum í apríl 2009. Jasso ! Afmælisgjöfin ávaxtar sig um 400% á ári og ég þarf ekkert að gera nema telja kettlinga að morgni rétt eins og bankastjórar Landsbankans gerðu forðum með innlán Icesave.
En árið er ekki búið !
Afmælisgjöfin,, Katla Gustavsberg, gerir mikinn mannamun og hún lítur til dæmis ekki við mömmu minni. Það er sennilega of vægt til orða tekið að hún líti ekki við mömmu. Sannast sagna hleypur hún í burtu á harðaspretti ef mamma nálgast. Sem kom sér illa núna í september.
Mamma átti að passa dýrin í tvær vikur - gefa þeim að borða, hleypa hundinum út, og gefa Kötlu pilluna.
En hvernig sem mamma reyndi, gat hún ekki gefið Kötlu pilluna. Kisa hljóp hraðar en mamma.
Og nú er Katla Gustavsberg að fara að ávaxta sig meira. Hún er bomm.
Þegar ein afmælisgjöf ávaxtar sig allt að því tífalt á örfáum mánuðum, bendir það þá ekki til að dóttir mín hafi óendanlega mikið viðskiptavit ? Ég hefði haldið það.
.
Nú, þar sem ég aðhyllist þá skoðun að lífsgæðum skuli skipt nokkuð jafnt á milli manna, efni ég hér með til kreppuhappadrættis og allir sem taka þátt fá vinning.
Vinningurinn gæti til dæmis litið svona út;
.
.
Og breytist stöðugt - þetta er sko sami kötturinn og hann stillir sér sjálfur upp;
.
.
Það er fátt ánægjulegra en að kúra með kött í fanginu fyrir framan sjónvarpið, hlusta á róandi malið og horfa í aðdáunarfull augun.
Köttur á heimilið = meiri ást á heimilinu.
.
.
Spil og leikir | Breytt 10.11.2009 kl. 12:40 | Slóð | Facebook | Athugasemdir (5)
Um bloggið
Sparisjóður grínista og nágrennis.
Eldri færslur
- Febrúar 2011
- Desember 2010
- Nóvember 2010
- Ágúst 2010
- Júlí 2010
- Júní 2010
- Maí 2010
- Apríl 2010
- Mars 2010
- Febrúar 2010
- Janúar 2010
- Desember 2009
- Nóvember 2009
- Október 2009
- September 2009
- Ágúst 2009
- Júlí 2009
- Júní 2009
- Maí 2009
- Apríl 2009
- Mars 2009
- Febrúar 2009
- Janúar 2009
- Desember 2008
- Nóvember 2008
- Október 2008
- September 2008
- Ágúst 2008
- Júlí 2008
- Júní 2008
- Maí 2008
- Apríl 2008
- Mars 2008
- Febrúar 2008
- Janúar 2008
- Desember 2007
- Nóvember 2007
- Október 2007
- September 2007
- Ágúst 2007
- Júlí 2007
- Júní 2007
- Maí 2007
- Apríl 2007
- Mars 2007
Heimsóknir
Flettingar
- Í dag (22.1.): 0
- Sl. sólarhring: 1
- Sl. viku: 9
- Frá upphafi: 0
Annað
- Innlit í dag: 0
- Innlit sl. viku: 9
- Gestir í dag: 0
- IP-tölur í dag: 0
Uppfært á 3 mín. fresti.
Skýringar
Bloggvinir
- Gíslína Erlendsdóttir
- Brattur
- Ragnheiður
- Hrönn Sigurðardóttir
- Lára Hanna Einarsdóttir
- Hugarfluga
- Halldór Egill Guðnason
- Sæmundur Bjarnason
- Brjánn Guðjónsson
- Gulli litli
- Ingibjörg Friðriksdóttir
- Marinó G. Njálsson
- Svanur Gísli Þorkelsson
- Þorsteinn Sverrisson
- Árni Gunnarsson
- Bergljót Hreinsdóttir
- Finnur Bárðarson
- Bjarni Harðarson
- Ingibjörg Hinriksdóttir
- Steingrímur Helgason
- Guðni Már Henningsson
- Íris Guðmundsdóttir
- Edda Agnarsdóttir
- Rannveig Guðmundsdóttir
- Kristjana Bjarnadóttir
- Erna Bjarnadóttir
- Þorsteinn Valur Baldvinsson
- Þórdís Björk Sigurþórsdóttir
- Haraldur Sigurðsson
- Ásgeir Kristinn Lárusson
- Daði Ingólfsson
- Óskar Þorkelsson
- Lilja Guðrún Þorvaldsdóttir
- Egill Bjarnason
- Sigurður Grétar Guðmundsson
- Kát Svínleifs
- Einar Indriðason
- arnar valgeirsson
- Kama Sutra
- hilmar jónsson
- Eiður Svanberg Guðnason
- AK-72
- Guðrún Jóna Gunnarsdóttir
- Dísa Dóra
- Sigurður Einarsson
- Gunnar Helgi Eysteinsson
- Jóhannes Guðnason
- Brynjar Jóhannsson
- Jón Steinar Ragnarsson
- Magga tagga
- Fanney Björg Karlsdóttir
- Tófulöpp
- Valgeir Skagfjörð
- kop
- Guðbjörg Elín Heiðarsdóttir
- Björgvin R. Leifsson
- Gunnar Helgi Eysteinsson
- Svanhildur Karlsdóttir
- Brosveitan - Pétur Reynisson
- Aprílrós
- Guðrún Björk
- Guðmundur Óli Scheving
- Helgi Jóhann Hauksson
- Katan
- Páll Rúnar Elíson
- Þórir Aðalsteinsson
- Kjartan Pétur Sigurðsson
- Kristín Snorradóttir
- Þorsteinn Briem
- Gunnar Níelsson
- Jón Ólafur Vilhjálmsson
- Helga Guðrún Eiríksdóttir
- Bjarni Sæmundsson
- Heiða B. Heiðars
- Þórdís tinna
- Eva Hrönn Jóhannsdóttir
- Jóhannes Freyr Stefánsson
- kloi
- Bjarndís Helena Mitchell
- Ragnar Gunnarsson
- Brynja skordal
- Vefritid
- Tryggvi Gunnar Hansen
- Árelía Eydís Guðmundsdóttir
- Garún
- Hörður B Hjartarson
Færsluflokkar
- Bloggar
- Bækur
- Dægurmál
- Enski boltinn
- Evrópumál
- Ferðalög
- Fjármál
- Fjölmiðlar
- Heimspeki
- Íþróttir
- Kvikmyndir
- Lífstíll
- Ljóð
- Löggæsla
- Mannréttindi
- Matur og drykkur
- Menning og listir
- Pepsi-deildin
- Samgöngur
- Sjónvarp
- Spaugilegt
- Spil og leikir
- Stjórnmál og samfélag
- Tónlist
- Trúmál
- Tölvur og tækni
- Umhverfismál
- Vefurinn
- Viðskipti og fjármál
- Vinir og fjölskylda
- Vísindi og fræði